Aygün Kazımova
Kazımova Aygün Ələsgər qızı 26 yanvar 1971-ci (Qaban ili) ildə Bakı şəhəri Nizami rayonu 1 nömrəli doğum evində (Dolça bürcü altında) dünyaya gəlmişdir. Ailənin dördüncü - sonuncu övladıdır. Dünyaya gəlməsi planlaşdırılmayan Aygün 7 aylığında ikən vaxtsız doğulub. Atası Ələsgər bəy doğum evinə heç Aygünü götürməyə belə getməyib. Onu evə anası Fizzə xanım və nənəsi birgə gətirib. İlk günlər acığından Aygünün üzünə belə baxmayan atası bir gün ötəri olaraq körpə Aygünün gül üzünə baxır və həyəcan keçirir .Çünki körpə Aygünün Böyük Vətən Müharibəsinə gedib-qayıtmayan qardaşına çox bənzədiyini görür...Həmin gündən atası balaca Aygünü “əlinin içində” saxlamağa başlayır, onun bütün istəklərini yerinə yetirir və onu çox ərköyün böyüdür.
