Sirlərlə dolu qadın dünyası
Kulinariya

PAXLAPLOV

Bu toğlu, quzu əti olmayanda yağlı qoyun əti və bağırbeyinlə  yeyiləndə daha ləzzətli olur. Qoyun ətinin yağlı yerindən hərəsi 8-10 qram olan tikələr doğranır. Qazanda soyutma bişirilir, duz salınır, ətin kəfi alınır. Bişəndən sonra bulyondan çıxarılır. bir böyük qaba yığılır, duz, istiot səpilir. Başqa bir qazana qoyunun qara ciyəri və o qədər də quyruq az suda bişirilir ki, bulyon nisbətən yğlı olsun.

Bişmiş ciyərlə quyruq ət maşınının xırda gözündən keçirilib azca duz, istiot səpilir, ətdən və qalan bulyonun yağlı hissəsindən bir qədər üstünə tökülüb əllə qarışdırıldıqdan sonra balaca boşqablara çəkilir. Bu bağırbeyin adlanır və paxlaplovun əsl xuruşudur.

Təzə paxla hər 2 qabıqdan çıxarılır. Şüyüd təmizlənir, xırda-xırda doğranıb yuyulur. Düyü təmizləndikdən sonra ilıq suda yuyulur. Əgər vaxt varsa, düyü 4-6 saat islağa qoyulur. Su qaynadıqda düyü qazana tökülür, qarışdırılır, duzu tökülür, kəfi alınır. Düyü alaçiy bişdikdə paxla və şüyüd tökülüb yaxşıca qarışdırılır. Sonra süzülür, üstünə zəfəran suyu çilənir. Zövqə görə qazmaq hazırlanıb, qazanda dağ olmuş yağa tökülür. Qazmaq bir qədər bərkidikdə, yarımbişmiş düyünün bir hissəsi qazana tökülüb, bir hissəsi saxlanır. Soyutma ət qazandakı düyünün üstünə bir tərəfdən yığılır, sonra yenə də zəfəran çilənir, qalan düyü ətin üstünə tökülür. Ağzı qapanıb dəmə qoyulur. Bir az dəm aldıqdan sonra qazana yağ tökülür, yenidən qapağı örtülür dəmə qoyulur. Dəm aldıqdan sonra ət düyüdən ayrı qaba yığılır, düyü isə böyük buluda çəkilir süfrəyə verilir. Süfrəyə ət, bağırbeyni, göy soğan, turp, vəzəri, tərxun və s. göyərtilər qoyulmalıdır.

Şüyüdplov da paxlaplov kimi bişirilir. Fərqi yalnız ondadır ki, bunda paxla olmur. Bağırbeyin isə hər ikisində ola da bilər, olmaya da bilər.

Şərhlər

Diqqət! Əgər sizin şərhdə şəkil, video və ya link varsa, saytda yerləşdirilmədən əvvəl moderatorlar tərəfindən yoxlanılır.

Leave a Reply

Your email address will not be published.

Pin It on Pinterest

Shares
Share This

Paylaş

Əgər bu məqalə faydalı oldusa, dostlarınla paylaşmağı unutma.