Sirlərlə dolu qadın dünyası
Kulinariya

KƏLLƏPAÇA (başayaq)

Kəlləpaça yağlı qoyun başından bişiriləndə daha dadlı olur. Bəzən mal ayağından da hazırlayırlar. Qoyunun başı ilə ayaqları ocaqda və yaxud qazda ütülür, bıçaqla qaşınır, isti-isti dırnaqları çıxarılır. Bəzən tükləri isti su ilə təmizləyirlər. Sonra dəmir şişlər ocaqda möhkəm qızdırılır, qalan xırda tükləri də ütülür. Bundan sonra ilıq suda bıçaqla qaşınaraq təmiz yuyulur. Çapacaqla ayaqlar 2-3 yerə bölünür və dırnaqların arası yarılaraq, içəridə olan balaca, xoşagəlməz hissə çıxarılıb atılır. Baş isə 2 hissəyə, alt və üst çənəyə ayrılır. Kəllə sümüyünü çapacaqla bölüb içindən beyni çıxarır, yuyub qazana yığırlar.

Qarın yuyulub təmizləndikdən sonra 4-5 yerə bölünür. Hər hissə qaynar suya salınib tez-tez qaşınır. Parçaların hamısını birdən isti suya salmaq olmaz, çünki isti suda çox qalanda üstündəki kəpənəklər getmir. Təmizlənmiş qarın 4-5 sm doğranıb baş olan qazana salınır vı qazan pilətənin üstünə qoyulur, qaynadıqca kəfi alınır, qazana duz tökülmür. Bişdikdən sonra iri sümüklər çıxarılır. İri ət hissələri xırdalanır, yenə də qaynayıb, mükəmməl bişir. Xörək hazır olduqdan sonra duz vurulur. Yemək üçün qablara çəkilir.sarmısaq qatılmış üzüm sirkəsi ilə yeyilir. Bu xörəyin zülalı çoxdur. Mal ayağı da belə hazırlanır.

Pin It on Pinterest

Shares
Share This

Paylaş

Əgər bu məqalə faydalı oldusa, dostlarınla paylaşmağı unutma.